Çaste poetike me poeten;-Migel FLOR

Hyjni

————–

Ti vjen nga një hemisferë tjetër,

si një dritë që s’e njeh horizontin tim,

eliksir i heshtur

që shëron plagë

e hap të tjera

mbi fletët e zemrës.

Është hir

të të mbaj në kraharor,

të humbas në përqafimin tënd

deri në marrëzinë e ëmbël

të mallit që përvëlon,

që deh si verë e lashtë

dhe tundon si mëkat i bukur.

Ti duhet të jesh ngjizur

nga ADN-ja e yjeve,

sepse në ty ka diçka

që s’është tokësore.

Je hyjni në trajtë njeriu.

Le të të përqafojë Prilli

si një bekim i butë,

sepse prania jote

është shenjtëri.

/QendraPress/