Çaste poetike me poeten;-Minire Rukovci HYSENI

Atdhe!

——————-

Të deshta si dita rrezën e diellit,

Si nata dritën e hënës,

Si arat ujin e shiut,

Si foshnja gjirin e nënës.

Përse rënkon, atdhe?

Të pyeta një ditë.

Robëria më shkakton plagë,

S’më lë të shoh dritë.

E unë, biri yt,

Nga robëria të çlirova.

Për ty e dhashë jetën,

Për ty u flijova.

A thua do të thoni: “Ndjesë pastë!”

O ju njerëzit e mi,

Kur fëmijët në këto troje,

Të rriten në liri!

/QendraPress/