Çaste poetike me poeten: Minire Rukovci HYSENI

Po shkojnë dallëndyshet

—————————

Po shkojnë dallëndyshet

ikin me nxitim,

i thonë njëra tjetrës

ejani më shpejt!

Ne na përshëndesin

si paralajmërim,

gjeni jakne e shallë

se mërdhiheni krejtë.

Ne do ikim larg

në viset e nxehëta,

kur të vjen pranvera

kthehemi përsëri.

Çerdhet do na i ruani

sikur herave tjera,

bashkë me rrezet e diellit

u sjellim ngrohtësi.

/www.QendraPress.com/