Çaste poetike me poeten;- Mirushe H. MUSA

Në fole të Shqiponjave

———————————–

Jam dardane e Shqipërisë së vjetër,

Në shpatulla i mbaj malin e bjeshkën.

Në gjoks më pushojnë dielli e hana,

Motra i kam orët me zana.

Që nga koha e gurit të vjetër,

S’e ndërroj kombin me asgjë tjetër.

Në shpirtin tim veç pranverë çelë,

Kurrë s’jam shitur, as s’jam blerë.

Vëlla e kam unë Oso Kukën,

Bashkë e bëjmë penën dhe pushkën.

Me këngë lahute ku shtrohen sofrat ,

Veç në Shqipëri n’fole të Shqiponjave.

Me 27 shtator 2025 Gjermani :

/QendraPress/