Çaste poetike me poeten-Nexha REÇICA

NËNTORI I FLAMURIT

—————————————

Të hidhemi sot në valle

e të mos ndalemi kurrë

të gjithë në zemër e kemi

vetëm një flamur.

Vlorën e kemi tempull

tempull të shenjtë t’lirisë

lirisë së çdonjërit

dhe të gjithë shqiptarisë.

Të jehojë këngë Kosove

të jehojë këngë Shqipërie

bashkimin kombëtar

e kemi kulm shtëpie.

Kur të jemi të bashkuar

festa e kënga kanë kuptim

kemi një gjuhë e një flamur

këtë çdo kush e di.

/QendraPresss.com/