Çaste  poetike me poeten; Pranvera QERIMI

ÇILTERSI

——————————-

E doja të përhumbur

E doja, edhe kur veprimet e saj me bënin me lot të qeshja

E doja me sharmin e saj

E doja me elegancën e saj mahnitëse

E doja andaj i buzëqeshja kur e shihja,

e ajo pa u vënë në siklet

me bënte ndonjë skene modelizmi,

duke mos hezituar t’ i hedhtë flokët në një cep

dhe të ngriste kokën me naze

E doja atë “te pamendët”,

se “pamendësia” saj dashuroi një burrë

si unë, që as vet s’i them vetes burrë

E doja se m’ ia dhuroi rrobat e qepura,

që e ëma nga mosha e saj e shtyrë

shpesh linte ndonjë vrime aty,

sikur t’i bënte vend zemrës së saj në trupin tim

E doja se ajo shihte brendësinë.

/www.QendraPress.com/