Çaste poetike me poeten;-Ramije UKAJ

KUJTIMET E MIA

———————–

Si hije më përcjellin kujtimet e mia

Dhe netët m`i zgjasin pa gjumë

Me lule zambaku i pres në dritare

Kujtimet e mia që rrjedhin si lumë

Kushedi sa herë më zbardhë dita

Vetëm me hënën duke qa hallin

Asnjë stinë nuk më solli lumturin

Veç për vendlindje ma shtojnë mallin

Krejt kujtimet e mia e kanë një emër

Ato e njohin mirë jetën time

Shpesh nisem udhës së ujëvarës

Për t`u kthyer te varri i nënës sime

Tani as heshtja nuk më buzëqesh

Për ditët e lumtura të fëmijërisë

Ato m`i kujtojnë ëndrrat në Korishë

Dhe lojërat e bukura të rinisë.

/QendraPress/