Çaste poetike me poeten:-Sadbere Gagica SPAHIJA

Bota e fëlliqur e hipokritëve

——————————————

Në këtë botë të fëlliqur,

hipokritët sundojnë,

me fjalë të ëmbla gënjejnë,

 me zemra të sheshta shfrytëzojnë.

Maskat e tyre shkëlqejnë si ari i rremë,

ndërsa shpirtrat e pastër i lënë në terr e në dhemb.

Ata qeshin në sy, por mbrapa therin,

të thërrasin “vëlla”, por grushtin ta gjejnë.

Të ndershmen e quajnë budallaqe, të marrë,

kurse të përdalën e ngritin në altar.

Hipokrizia është flamuri që valëvitet mbi ta,

mashtrimi – gjuha që nuk e ndalin kurrë pa ja.

Në tavolinë pinë gjak, e quajnë verë,

mbulojnë me fjalë të bukura plagët

 që vetë i kanë bërë.

Por kjo botë e kalbet ngadalë, si trup i sëmurë,

e vërteta, si çekiç, do t’i thyejë

 një ditë muret e gënjeshtrës së tyre.

Se hipokriti mund të ngrejë fron mbi baltë,

por kur vjen stuhia, zhytet, zhduket,

mbetet hiç, hi e thatë.

/QendraPress/