Çaste poetike me poeten;-Shqipe BYTYQI

PAQË

———————

T’i lëmë shpirtërat të prehen

në mbretërinë e pakthyeshme

Asgjë nuk zbardhet prej së shkuarës

as gjurma e shputës ndryshon

kur njëherë e një kohë është vënë

Përkulu mbi gurët e tyre

pa gjykuar asnjë faj

Rri me ta në paqe

që të mos jetosh e vdesësh i inatosur

se mënia di të gdhendet

jo veç mbi shpirt

por edhe mbi gurin tënd

Jepi udhë vorbullës së zezë në ty

këndoju ninullë shpirtërave matanë-ikur

Monedha ka dy faqe

dhe ti s’do t’ia dalësh kurrë

t’i zbardhësh të dyja

përnjëherë

Paqe, paqe, njeri!

/QendraPress/