Çaste poetike me poeten :Shukrije Gashi

U bë vonë

N.Gashit

———————

Çdo 19 mars do t’a mbajë peng sythin e pranverës Anemone 2022 e vrasjet në Ukrainë pafajësi

e trishtë  heshtja e gjate qe t’mori

jo dje e as tinëzisht

por pikëllimi për ikjen pa moshë

e pa fjalë

do t’na mungosh si dielli e vesa

kur mërzia merr shtegut teptisje

e malli zhgrehë në vaje minutat

e bjerrin kot për ta zënë monstrumin tonë pune as nesër

ecjeve të gjata fjala nuk shëron

përtej muzgut asnjë hije e dyzuar

i ngjanë tjetrës as harrimit për ty

ç’kohë e ithët murtaja Covidi19

sa shume me dhembë n’lëkurën e pezmit tim koha

qe ma vodhi e bjerri gracka njeri

mënia për hiq gjë guaca e thyer

cope-cope ne kurdisjen lakmi

çdo 19 mars do t’i lëshoj perdet

muzgut t’mos ia shohë fytyrën gri perëndimin e diellit ne ikje përtej

reve t’ mërzitura me rutinën

sa e dhimbshëm lamtumira pa za e sytë e etur për jete qe me ndjekin kudo t’i shohë edhe me shpine

me fal qe nuk erdha as nesër

as kurrë jo për harresën u be vone…