Çaste poetike me poeten:-Shyrete DEMAJ

Asgjë.

—————

Asgjë nuk ndodh pa arsye,

edhe vetë asgjëja nuk është e rastësishme.

Asgjëja, një boshllëk që pret me krahëhapur

çdogjënë por më ëmbël e pret dritën si filiz jete.

Ashtu siç qielli pret rrezet e diellit dhe hënës,

mban retë në barkun e tij

që herë herë ja turbullojnë së tepërmi,

por qetësia pas shiut është melodi shpirti është

ringjallje, është dritë që zbret nga lart e

 mbjell lumturinë e gjithçkaje.

Kur asgjëja të fal gjithçka është lumturia..

Ashtu si dashuria duron dhe pranon

dhimbjen dhe drita mbush errësirën…

Unë jam asgjëja e rëndë si gur,

jam errësira që sjell dritë,

bekimi me flakë i Atit tim

Le të flijohem unë asgjëja

për lumturinë e gjithçkaje…

/QendraPress/