Çaste poetike me poeten;-  Valbona AHMETI

FESTA E GJETHËVE

———————–

Në krahët e erës gjethet vallëzojnë

Si kujtimet e ëmbla që zemrën ledhatojnë

Mbi barin e njomë vesa kristalizohet

Si drita e diellit mbi ujëra kur përthyhet

Era vjeshtës flokët ia përkëdhel ngadalë

E ballin ia stolis me ngjyra zjarri-valë

 Në festën e gjetheve shpirti fisnikërohet

Si një lumturi që në sy lexohet

Butësisht tingëllon kjo simfoni stinore

Kujtimet shtegtojnë mbi ngjyrat vjeshtore

Për festën e artë një dolli me verë rrushi

Si vepër hyjnore që ndizet në sy si prushi

Pentagrame zogjsh në qiell u panë

Si lamtumirë, cicërimën vjeshtës ia lanë

Dashuria sublime si hije shtrëngon

Hëna në heshtje nga një cep veshtron

/QendraPress/