Çaste poetike me poeten;- Valbona HOTI

Ti je një libër pa titull

———————————-

Ti je një libër pa titull,

me faqe që era i kthen ngadalë,

me fjalë që s’janë shkruar ende,

por që zemra i di përmendsh.

Në sytë e tu lexoj kapituj

që s’kanë fund, s’kanë fillim,

një rrëfim që jeton në heshtje,

në mes të frymës dhe ëndrrës.

Çdo prekje është një fjalë e re,

çdo buzëqeshje një paragraf,

dhe unë lexoj, lexoj pa ndalur,

pa dashur kurrë ta mbyll faqen e fundit.

Se ndoshta në fund të historisë,

në rreshtin e fundit, me shkronja drite,

do gjej emrin tim të fshehur,

si autor i dashurisë tënde pa kufij.

/QendraPress/