Çaste poetike me poeten: Valbona R.Hadri

Të bukurën e ke kudo

—————————————-

Tek burimi i ujit të freskët rrëzë malit të shtruar ,aty ku vajzat lozonjare, mbushin ujë me duart e bekuara .

Në perëndim dielli,me ngjyrim drite detin mbuluar, për një ditë të re me dëshirë për ta filluar.

Në lumturinë e rritës me ninullën e nenës ,për ripërtrirjen e fisit, në jetësimin e shpirtit të shqipes.

Në vargmalet e Sharrit me pamje të mrekulluar ,pranë blegërimës së qengjave

pas së ëmës duke shkuar.

Në fjalët e të mençurve pranë sofrës së shtruar ,

aty ku vazhdon traditë e jetësuar.

Me përkëdheljen e doçkave të fëmijës së parë

Me buzëqeshjen e së ëmës për fillim-jete të mbarë .

Pranë syrit të së dashurës me fytyrë engjëllore ,

qëndron ëmbëlsisht bukuri përrallore.

Prandaj njeri i mbarë ,

vlerëso , vepro ,shijo dhe

me më të bukurën jeto.

17.08.2021

Valbona R.Hadri