Çaste poetike me poeten;-  Vjollca ALIAJ

Eja

——————

Eja, ti eja, poezia ime,

ti presim mëngjeset e përflakura

me një filxhan vesë

larg udhës së verbërisë ku

çmendurisht garojnë egot.

Kohë makutërie, s’ke ç’i bën…

Le të rendim pas erës,

me vargje të ngremë foletë e zogjve

edhe pak vjen pranvera…

Eja, ti eja, poezia ime

ta përcjellim diellin buzëmbrëmjeve

me një vals stërkalash dallge,

larg skutave të errëta ku

masturbojnë mllefin inatçinjtë.

Eja, ti eja,

shpirt binjak!

/QendraPress.com/