Çaste poetike me poeten;-Vjollca ALIAJ

Puthmë dhe një here

—————————-

Nën pemën e portokalles,

puthmë dhe një herë,

krejt harbuar nga pranvera,

hëna le të bjerë.

Hidhma krahun përmbi sup,

nëpër lule bletët,

puthmë, puthmë dhe një herë,

si shkëndijat netët.

Retë shkojnë, pas erës shkojnë,

puthmë dhe një herë,

le të pimë, ta kthejmë me fund

nga një grusht poleni.

Pa të dehemi sërish

me mushtin e këngës,

puthmë, puthmë dhe një herë

nën degët e ëndrrës.

Krejt harbuar nga pranvera,

puthmë dhe një herë,

mbi gjethet e portokalles

hëna le të bjerë.

/QendraPress/