Çaste poetike me poeten;-Vjollca ALIU

MOS PRITNI

———————

Mos pritni të ju flas

Kërkoni përgjigjen në veprimet tuaja

Ose në sytë e mi

Ata flasin edhe në heshtje!

Mos pritni të ju buzëqesh

Kur gazin ma shndërruat në lot

Më shikoni në sy

Këta sy që dikur shndrisnin

Për lumturinë tuaj!

Mos pritni që të derdh lot

U shterën këta sy

Ujëvarë e dikurshme e lumturisë

Tash Sahara e vetmisë!

Kot mos pritni

As tingull s’do të nxjerr

Ishim dikur

Orkestër lumturie

Tani simfoni e harruar!

/www.QendraPress.com/