Çaste poetike me poeten;-Vjollca ALIU

Dhuratë pa emër

—————————

Një erë fryu, derën rrufeshëm çeli

Degët e pemëve si gjarpëri i drodhi

Zbukuruar me gjethe të arta e kordele vjollcë

Një pako dhuratë postieri solli.

Mbi pako një kartolinë e bukurshkruar

Me fjalë të magjishme, por pa emër

Ishte një enigmë e dhimbshme

Që prek dhe të fortën zemër.

Po ta dërgoj fustanin e nusërisë

Shkruar me ndjenjat e simes marrëzi

Mos e vish, por mbaje në sirtar

Se nuk të meritova, ti je ar!

Kjo porosi vinte fare pa adresë

Ishte porosi e zjarrtë si vet dashuria

Bukuria e shpirtit fshihej tek fjalët

Marrëzia e tij ishte vet çiltërsia.

/QendraPress/