Çaste poetike me poeten:Albina CEKA
KJO BOTË!
——————————
Kjo botë ku predikohen liri
I ka të përcaktuar skllevërit e sajë
Kjo botë ku predikohet mirësi
E në realitet lulëzojnë ligësi
Me lulet, që si pulat me ujë të nxehtë shpupurishen
Nga djajtë me kollare, që veç bukur vishen
Me mollët që vyshken që në rini
Nga poshtërsia e të poshtrit njeri
O nga dora e djallit se di?
Pemët me trup të bukur kanë humbur rrënjë
Gjethet e vyshkura e thonë atë
E fryti i premtuar rrezik s’pritet ma
Në këtë botë ku predikohet fjala e butë
Ku në realitet njeriu i mirë asht tu hupë
Lëkurën e qengjit ujkut ja vejnë
E qengjin e butë gomar e bëjnë.
Kjo botë ku gjithçka e ka një çmim
Ku për lek prindi shet dhe fëminë
E ku fëmija vret dhe babën e tij
E nanën e len të shkretë në një azil
Kjo botë ku veç seksi quhet dashuri
Duke lënë jetimin në fatin e tij
Dyer e dritare me blozë i ka nxi
Ka rrezik njeriu të mbulohet nga qimja e zezë
Në pyje të jetoj prapë me shimpanzenë.
Albina Ceka
