Çaste poetike me poeten:Albina TREBICKA

ËNDËRR e TREMBUR

—————————————

Në qerpik të syrit, rri ëndrra ime varur,

në muzgun e mbrëmjes fshehur heshtja e natës,

në boshllëkun e natës strukur gjumi i lodhur,

në agun e mëngjesit rri shpresa e drojtur

U fut bota ime brenda ëndrrës tënde

dhe të ndjek ngadalë, hutuar nëpër fjalë,

dhe të ndjek penduar nëpër vargje shkruar

një çast pa kthim kujtimeve harruar

Ëndrrat lindin natën dhe i druhen ditës,

herë krijojnë ylbere,herë i tremben frikës.

A.TREBICKA (nga vëllimi ” Pëshpëritjet e shpirtit”)

/www.QendraPress.com/