Çaste poetike me poeten;Anila KODRA

SEPSE TI EGZISTON

———————————–

Pse ekziston ti,

shpesh rrufetë qiejve u ndalën,

yjet shndritën në qiellin me Hënë.

Pse je dhe jeton ti,

të gjitha gabime e faje u falën,

dashuruar dhe dashuri pa nxënë.

Pse ekziston ti,

dielli cdo ditë doli e shndriti,

me qartë cdo herë, sot më shumë se dje.

Të ndjej , e di që je,

e fundja le të shkojë viti,

lumturohem që jeton e je diku atje.

Pse ekziston ti,

tufanet kurrë nuk më trembën,

Pas erës e furtunës gjithmonë pati diell.

Prita gjatë, prita shumë,

ëndrrat kurrë nuk shterën,

jetova në tokë sikur të isha në qiell.

Pse ekziston ti,

deti ka valë e dallgë , ende shfryn,

puhizë ka mbi të, shpesh edhe tërbohet.

Hëna çdo natë e qetë,

mes qiellit e detit hyn ,

Se jeton ti, ja vlen kjo jetë të jetohet.

Pse ekziston ti,

dita ka njëzet e katër orë edhe sot,

Hëna mbrëmjes do ndrisë përsëri.

Je ajri, oksigjeni im ndaj nuk vdes dot,

jeton brenda meje çdo sekondë,

dhe unë jetoj se ekziston ti.

/www.QendraPress.com/