Çaste poetike me poeten;Bujana MALAJ

E DESHTA

————————-

E deshta sonte një fustan nusërie

Mbështjellë një kollare me kostum dhëndërie

Të zbërtheje fustanin ashtu si pa ndjerë

Një dhëndër malësie të m’shilej n’qylerë.

T’më hiqte këpucët e vellon e bardhë

E në prehrin tim të ulte një djalë

Me mjaltin e ëmbël t’ëmbeltonte buzën

Të ishim si në përralla dhëndri me nusen.

E deshta sonte e pse mos ta kem

Të dua akoma përsëri të them

Ti hajde sonte nëse nuk ke ardhë

Po erdhe nesër nuk di a jam gjallë.

E deshta sonte të më vish me kalë

Portretin tënd si princi i bardhë

E kur të arrish në oborrin e gurtë

Të më heqësh vellon e vrullshëm më puth.

Flokun ma lidh me jelën e kalit

Lotin do ta ndrroj melodinë e mallit

Kali t’hingëllojë me fuqinë e tij

E nuse m’ler të bëhem deri n’përjtësi.

E deshta sonte si asnjëherë

Me ty të mbyllem në të vjetrin qyler

E nëse nuk vjen deri në të gdhirë

Edhe në vdeksha do të jem më mirë.

/www.qendrapress.com/