Çaste poetike me poeten;Bujana MALAJ

KREJT TANGARLLËK

—————————-

Nuk e di qysh ma dha truni

te po dal ditën ta humbi

tuj ec rrugës tuj fol me veti

a thu t’shkoj një herë te mbreti.

Eca eca tuj u afrue

një me ngjyrë foli me mue

ku po shkon moj ti e marrë

a nuk sheh se kush ka ardh?

e tan jetën kam prit n’rradh.

Edhe unë tha jam si ti

ti e bardhë e un i zi

unë do t’shkoj për kokërr t’qefit

ma ja mbyll gojën miletit.

Çerek shekulli n’Angli

mos ti th’rras një herë madhëri

m’renda portës një kalë i kuq

dhe kët rradhë dola krejt huq.

Prita prita takim po m’del

tuj përshëndet një kolonel

sot mbaroj thotë pritja e mbretit

hajde nesër për kokërr t’qefit.

Tangarllëk kryet përpjetë

shkova n’shpi tan qef e qef

kam taku ma t’madhin mbret

dikush m’pyeti a ta shtoj jetën

dënim t’njëjtë e kemi vdekjen.

 

/www.QendraPress.com/