Çaste poetike me poeten;Bukurie BINJAKU

JU PASUROFTË ZOTI SHPIRTIN!

—————————————————-

Më paragjykoni, ju sa të doni

Nxirrni ç’keni, prej shpirtit tuaj,

Do shkruaj, dhe kur t’mos doni,

Vargut tim, s’jam kurrë e huaj.

Më paragjykoni, sa jam e gjallë

Kështu veprojnë, ata pa zemër,

Unë rri gardh i ulët, për t’i parë,

Si shkelin mbi të, ata pa emër.

Kaloni pa frikë, unë u bëra urë

Me gurët tuaj, atë ua ndërtova,

Ikni me vrap, hidhni ndonjë gurë,

Shpirtin nga paqja, jo s’e largova.

Nganjëherë! Në mes gjullurdive

Ju e futët emrin tim, të panjohur,

Njeriu i thjeshtë, reziston stuhive,

Plagët e shpirtit, lot i kam njomur.

Më duheni të gjithë, e të nevojitur

Me mirësi në shpirt, s’di të lëndoj,

S’njoh hakmarrje, jam kokë krisur,

Ju pasuroftë Zoti shpirtin, mirësi ju uroj.

/www.QendraPress.com/