Çaste poetike me poeten:Davë BEGU

Ejani më shpesh n’për ëndrra…

————————————————–

Vetëm ëndrrash e vegimesh më vini çdo herë

Më mbështillni në krahë s’i dikur n’kohë fëmije,

Dhe përsëri fluturoni hapsirave të kozmosit,

Atje larg, larg , ku preheni në paqe përjetësie.

Në fletët e shpirtit i kam të shkruara emrat

Asgjë s’lejoj ti fshijë e t’i prekë ato asnjëherë,

Në zemrën time tatuazh ju mbaj të pikturuar,

Engjëjt e mi, n’ëndrra më sillni mallë e shpresë.

Sa herë që më ulet zemërimin në prehër

Me ju flas ëndrrash, hap zemrën me çka kam,

Në gjurmët e hijes tuaj zvarritem e marrakosur,

Zëri i brend’tshëm më thotë pa ju asgjë s’jam.

Me ju nëpër ëndrra flas e zemrën e qetësoj

Ah, sa shumë kohë kam pa ju të dy pranë,

Ky malli zjarr më djeg e shpirtin ma përvëlon

Askush në jetë s’të bëhet si babë e si nanë.

Sa herë më sillet rrotull një lëmsh i ngatërruar

Ju kërkoj ndihmë që fillin e humbur un ta gjej,

Zë e flas me ju përçart me mendje të hutuar,

Nëpërmjet ëndrrave dhe n’duar tuajin portret.

Në qiell s’ngjitem dot t’u prek ju nga afër

T’u marr erë, t’u puth ato duart e ato sy,

Prandaj ju kam fshehur në zgavrat e zemrës,

Kur kam nevojë të gjej atë fill t’ngatërruar

Të gjej pak shpëtim , ngushëllim , e dashuri.

Oh, sa shumë nevojë po kam për ju, sa shum

Ejani ju më shpesh n’për ëndrra t’mia

Babë e nanë jeni qetësimi i mendimeve,

Sa herë që më mbyt e djallta monotonia.!

Pushofshi në paqe me zotin engjëjt mbrojtës t’mi

derisa të vij afër jush me mall ju kujtoj e shum dashuri.!

/ëëë.QendraPress.com/