Çaste poetike me poeten;Eva ZOTO

Jetojmë në kohët moderne

————————————————

Ne, tani jetojmë në kohët moderne,

kështu, shprehen disa miq në fjalë

i kërkoj dhe unë, ti gjej,,,, gjithandej

por, në fakt përpara, asnjë s’më ka dalë.

Ne, tani jetojmë në kohët moderne,

këto, thonë në media disa sharlatanë

se kemi paqe, mirëqenie, lumturi

po e vërteta është, se vëllai, vret vëllanë.

Ne, tani jetojmë në kohët moderne,

ku mbizotëron, i pashkruar çdo ligj

nëna,shet fëmijën, për të mbijetuar

kurse babai të huajt, i bën me zor miq.

Ne, tani jetojmë në kohët moderne,

nuk njohim më rregull e as respekt njomë

gratë këmbë mbi këmbë rrinë kafeneve

e burrat hoteleve, bredhin dhomë më dhomë

Ne, tani jetojmë në kohët moderne

do ecim përpara, do arrijmë Evropën

vajzat, nga nxitimi, lakuriq vrapojnë

e djemtë me cigare, po e djegin botën…