Çaste poetike me poeten:Farie BISHA

 Rrjedhë…

———————–

e çuditshme është jeta!

Ka gjëra që nuk mund t’i kuptosh.

Fill i lidhur, nyje që zgjidhen natyrshëm

në një kohë të caktuar,

nëpër damarët e jetës.

Realiteti,

uji që rrjedh mes gishtave,

tek burimi ndërsa etja kërkon të shuhet…

Lumenjtë derdhen në det,

për inerci të ligjeve natyrore,

ashtu edhe energjia jetike gjen

sinkronizimin absurd të pashpjegueshëm.

Megjithatë, nuk dua ta sfidoj,

do të doja thjesht të dija

çfarë kostelacionesh ka ndjekur?

Edhe pse vetë rrugën time e kam shkelur,

gjithçka nuk mund ta shpjegoj:

si erdhi dhe më mori me vete

në rrjedhën e saj të inercisë…

Ndërsa unë, si një sfidues

me kajak, në mes të rrjedhës

mundohem t’i rezistoj vorbullës

marramendëse ku jam gjendur,

nuk më mbetet veç të kërkoj ekuilibrin

mes rrymës dhe me anë të

saj të lundroj drejt detit…

Farie Bisha 6.10.25 Luzern.

/QendraPress/