Çaste poetike me poeten;Ganimete Jakupi DEMIRI
SE VRAS MENDJEN ASPAK
——————————————–
Se vras mendjen aspak
Sepse askujt si hy në hak
Kujt të mundem mirë i bëj
Të keqen askujt s’ia dëshiroj
Se vras mendjen aspak
Për fjalët e liga që fliten poshtë e lartë
Se me veten jam shumë rehat
Se prishi terezinë aspak
Se vras mendjen aspak
Për ata që m’i bartin hallet e mia
Dhe u them se lodheni kot
Se pagesën nuk mund t’ia bëj dot
Se vras mendjen aspak
Për shpirtligët që ndjellin veç xhelozi
Nuk e trazoj shpirtin me atë energji
Se një jetë kam dhe e shijoj ashtu siç di
Se vras mendjen aspak
Për njerëz që s’kanë rëndësi për mua
Sepse në zemrën time kanë vend
Vetëm ata që unë i dua
Ganimete Jakupi, Zvicër.
/www.QendraPress.com/
