Çaste poetike me poeten:Gerta Bandilli BECKA

Poezia e së dielës…

———————————-

Në një vend tjetër,

në një kohë tjetër,

ku bora nuk është

kaq e ftohtë

e qielli prej lënde

shikimesh

e sytë prej lënde

toke

si ngjyra jote

do të duhemi ndryshe!

Ndoshta si personazhe

përrallash

ose si vargje

që nuk ua duam rimën,

po nuk ia kuptuam

as metaforën…

Në një kohë tjetër,

metamorfozash ndoshta,

unë do të tjetërsohem ti

Ti tjetërsohesh art

ndoshta mendim

ndoshta ndjenjë…

ndoshta…

Në një vend tjetër,

në një kohë tjetër,

ndoshta do të duhemi ndryshe po do duhemi patjetër…