Çaste poetike me poeten;Laureta MALAJ

Njerëz dhe fate !

——————————

Njerëz të lodhur gjatë kësaj rruge ,

të heshtur ecin të veshur me plagë .

Në zemër mbartin dhimbje që vrasin

ku në sytë e tyre i lexon pa fjalë .

Rruga e gjatë ,e mbushur me gurë.

Çdo hap i rëndë, çdo frymë një peshë .

Mes hijeve të natës ,rënkimeve të tokës

i sheh të vetmuar ,gjithë vuajtjet e botës .

Por zemra s’ndalet kur shpirti kërkon .

Dritën e shpresës që tej horizontit shkëlqen .

Ndoshta të lodhur por kurrë të mposhtur ,

i gjen sadopak në këtë terren !

/www.QendraPress.com/