Çaste poetike me poeten;Laureta MALAJ

NË TOKËN E LIRISË

—————————–

Gëzuar, Kosovë, këtë ditë të bekuar,

aty ku trimat derdhën gjakun e kulluar.

Nga Prekazi i lavdisë, ku qëndresa u bë betim,

te Drenica që s’u përkul asnjë çast në agim.

Në Dukagjin ku mali ushtoi me krismë,

e Gllogjani qëndroi si një flakë e rrallë,

në Junik ku burrat me pushkë në dorë,

shkruan lirinë me gjak në çdo valë.

Në Llap, në Karadak e Anamoravë,

flaka u ngrit për t’mos u shuar kurrë,

në Rahovec e Meje, gjaku u bë dhe,

në Mitrovicë jehona ende rron në gurë.

Malisheva, Ferizaj, Prishtina krenare,

Prizreni i vjetër me histori mijëvjeçare,

Gjakova që qau, por s’u përkul,

Gjilan e Pejë me zemër s’humbi kurrë.

Gjaku i tyre rrjedh në çdo lumë,

në çdo fushë, në çdo pëllëmbë dhe,

Kosova ime, e lirë dhe krenare,

nga trimat e saj u bë dritë mbi re!

Sot flamujt valojnë në qiellin tënd

Këngët e lirisë, jehonë janë për ne.

Shtatëmbëdhjetë vjet që rrezaton

Me diellin tënd mbi mal e dhe .

Gëzuar, Kosovë, për jetë e mot,

lavdi dëshmorëve që s’jetuan dot!

/QendraPress.com/