Çaste poetike me poeten:Lipo MIRELA
Korça qyteti i dashur i atdheut tim të bukur
———————————————-
Korça sa ndjesi dhe dashuri njëkohësisht
Ndër më të bukurat e atdheut tim Arbënor
Si mishi e thoni m’lidhë mua shpirtërisht
Qyteti i bukurisë dhe njerëzve shembullor.
Qyteti i mësojntores parë shqipe në atdhe
I artit kulturës dhe tolerancës ndër fetare
Korça ime dashur m’shton jetë bën krenare
Sepse dashurinë për atdhen kemi fe mbi fe.
Në vigjilje të festave si nuse është veshur
Me petka më t’bukura që i shtojnë hyjeshi
Si zgjojë bletësh me njerëz të buzëqeshur
Këngë dhe serenata dëgjohen për vitin e ri.
Mirela Lipo Korçë 27.12.2023
