Çaste poetike me poeten;Manushaqe Hoxha LAÇI
Kujtimi i një biblioteke
—————————————–
Kur qentë lehnin e macet lodronin
Ku thërrime balte hynin dhe në odë
Në bibliotekën e gjyshërve librat më ftonin
Me sytë e menduar në çdo shkronjë
Kur fëmijët në djepe gugasnin
Ku burrat nën lisa kuvendonin
Në çdo libër prekja parajsën
Që në dhjetë qiej më dërgonin
Kur historia më vinte si gjëmim
E kur prekja të tjera vise dhe shkrepa
Më vijnë në sy ata gjyshër fisnikë
Duke shfletuar libra te biblioteka
Aty bota më bëhej dhe më e madhe
Aty isha nxënëse Akademie
Aty bëhesha si bleta në male
Ku shijoja mjaltë diturie
E krenaria si zjarr është zgjuar
E malli si pëllumb sjell dashurinë
Kur shkoj në stacione të zhurmuar
Ata libra në sy më vijnë
Kur në doganë zgjas pasaportë
A kur shkoj hapnxituar në mal
Ata libra më kthejnë në kohë
Diku, në një odë, në Vajkal.
/www.QendraPress.com/
