Çaste poetike me poeten;Merita GRUDA
Çast
—————-
Në semafor pulson e kuqja
Si zemra e tij e lodhur vitesh
Në kahun tjetër një grua gjithë nur
Vështron sinjalin që fiket – ndizet
Me vete lutet të zgjasë ai çast
Kur sytë pushuan në bukuri
E prapë dhe aq, bekon të kuqen
Që ditën ia qëndis me dritë.
——————-
***
E mërkura zuri vendin në rendin e ditëve
me dëshirën e fshehtë
ta bënim të bukur
Modeste,
priti që ne ta vinim re,
por indiferentë ndaj thjeshtësisë
munguam në takimin me të
Zemërvrarë, e mërkura,
si Merkuri zjarr e akull,
fiku flakën e vet
dhe u përhim.
/www.QendraPress.com/