Çaste poetike me poeten:Mirela LIPO

Gjurmë në rërë e kujtime.

——————————

Eci lehtas-lehtas mbi rërë

gjurmët mbeten aty-këtu

dua të mbeten një vit të tërë

t’mos harroj se kam qenë unë.

Kujtimet do t’i marr me vete

kënaqësitë po ashtu

kur të kthehem sërish

përmbi gjurmë do eci këtu.

Ikja qenka paksa e trishtë

për atë çka po e kalojmë

dhe pse koha ato i fshinë

kujtimet ngelin gjithmonë.

Andaj ngelën gjurmët mbi rërë

në kohë dhe plot mendime,

Gjithë ato dallgë të jetës sime

Do t’i kujtoj me mall përherë.

Ndjenja e pasion më sjellin me vrap.

Dallgët e detit që më thërrasin prapë…

M.Lipo. dt/10/08/2024.Durres

/www.QendraPress.com/