Çaste poetike me poeten:Natasha ILIA

Syzezës

———————————

Syzeza vetull gajtan

Kaçurrelat përmbi ballë

Buzë bukur hundë drejtë

Perëndi i çmende djemtë

Je si diell je si henë

Të shoh ty ethet më zënë

Syzezë o sy ulli

Yll i rënë ,përmbi gji

Ecën ti me të shpejtë

Hapi yt si sorkadhe

Mos se çmende djemtë

Engjëllushe nazemadhe

Syzezë vetullallajë

Të pres sonte te burimi

Po përse nuk erdhe vallë

Do të pres deri sa të zbardhë

Dhe të prita dhe të prita

Syzezë gjer në mëngjes

Tërë natën sy nuk mbylla

Për ty trëndafil me vesë

Ti e mban hundën përpjetë

Të gjithë djemtë i çmend

Po kur shumë shumë zgjedh

Më në fund s’di kë do mbledhsh

/www.QendraPress.com/