Çaste poetike me poeten;Ramije UKAJ
DURO ZEMËR
—————————–
Shpesh më bëhet se zemra po më pëlcet
Diçka e padurueshme po e ngacmon
Deri në lot mundohem që ta pajtojë
Kot i them duro zemër
Nesër do t’na kthehet buzëqeshja
Bashkë do të ngjitemi në kala
Atje na presin rrezet e diellit
Dhe zambaku i Prizrenit
Ajo gjithmonë më ka dëgjua në heshtje
Ti mundesh me ia dal më thotë
Andaj më duro edhe pak zemër
Jeta fillon dhe mbaron me vaj
Këtë shpesh ma thotë ajo
Andaj duro zemra e jetës sime
Këngë e lot do t’i bëjmë bashkë
Vetëm ti mos u dorëzo edhe pak.
/www.QendraPress.com/
