Çaste poetike me poeten;Razielda HITAJ

Këmbëzbathur ecja tutje

Guri vetëm ka zënë myshk

Gjysmë hënës i bëj lutje

Lulërinë mos m’a vyshk

Shfryu tufani mbi lastarë

Rrushi breshër ra përdhe

Unë vrapoja si e marrë

Hënëza fshihej nëpër re

Edhe gjuhën më lag shiu

Pas një reje ngjitem lart

Mbi qerpik një flutur mbiu

Kush o zot e sjell këtë fat

Pres e pres të feksi ylli

Buza buzën të thëthij

Do ta pres atje te pylli

Të rrëshqas n’krah të tij

Zogu Gjon t’përgjërohem

Dëshmitar atje të dua

Drerit tim kur ti afrohem

Shkrepe syrin mermë mua

Dërgo qyqen po nuk erdhe

Le të qajë, të çkulet mali

Zana pret drërin mbi ledhe

Me presë’buze korret malli.

/www.qendrapress.com/