Çaste poetike me  poeten;Rozafa SHPUZA

Meditim për nji natë janari

————————————

Vjet për vjet vjerri dëshira

ndër vjerrca drunit me nji grremç të ndryshkun mbi krye

në trajtën e pikëpyetjes që ju vuna tana rrugicave qorre t’rrugtumit tem…

Dëshirat rishtake

ju përngjasin tabareve kabahe dimnore

teksa xajnë vend n’raft

tue shtye me brryla teshat dalun mode

me ndonji pusull të harrueme n’xhep

në qasje të papirusit me kode të krejt çka dishrova motmotet e shkueme.

Vjetë për vjetë vjerri pikëpyetje

që përshkohen n’frymën teme

si patkoni në gozhdën e ngulun mbi derë.

Nuk di ma me dallue

nëse n’frymë m’janë përshkue dëshira apo pikpyetje,

veç di se tehu i frymimit m’asht përkulë

si teli i teshave të kallkanosuna n’oborr

që edhe nji harabel i ndalun persipri

mundet me ia prishë ekuilibrin. /www.QendraPress.com