Çaste poetike me poeten;Sadete HISENI

Bjeshka ime

———————-

Kur tu ngjitëm si kitrrat

deri në Qafë Jasike

T’a pata ndi gjamën

Kur i qave ato të mbyturit

në gjirin tënd

pa dëshirën tënde

E di

fortë ke qenë rëndue

me gurë kufiri

kurdisë me mina

e gjemba

për me thellu ndarjen

mes njerëzve të një gjaku

E di fortë mirë kur u ngulfate

nga lot refugjati

Terri të patë veshë ballin

tash e sa muaj

Tymi i shtëpive djegura

frymën t’a patë nxanë

Bjeshka ime

veç ti ke pa e ke ndie

zemrat tu gulçua prej mërzie

kur i’a kthyem shpinën

Tokës

Vendit

Plëngut

Të lutem

Mos mi shlye ato fërkemi

mbaje mend kur t’a thymë kufinin

Për me shpëtua jetë

Mos mi fshi ato mej tmerri

Le të mbesin hieroglifë

në kurrizin tënd

në memorien tonë kolektive

që mos ba Zot

e të kthehen prapë

Dhe

Pas atyre ditëve të tmerrit

Një ditë bjeshka ime

Erdh i bekumi muej Qershie

e që prej at ditë e sot

E thërrasim muej LIRIE

/www.QendraPress.com/