Çaste poetike me poeten;Valbona Ahmeti

Deri n’amshim

———————————–

Rrugës t’përgjumur t’atij qyteti

u deshëm shumë n’atë verë

n’çatitë e vjetra pikonte shi

në buzët tona lëng qershi

zë s’dëgjohej në qytet

natë me shi na tradhtonte

nga trupi yt isha dehur

nga puthja, prekja që më dhuroje

sa pika shiu xhamin trokisnin

ne më shumë puthje falnim

zgjuar ishim gjerë n’agim

n’gjoks mbaja engjëllin tim

shiu s’ndalej për çudi

trupi yt plot hijeshi

floku i shprishur mbi gjoksin tim

s’doja të ngrihem deri n’agim

Valbona Ahmeti