Çaste poetike me poeten:Valbona AHMETI
Varg të lodha
——————————-
Si një bletë qasur luleve
Mblodha nektarin e dashurisë
Hoje mjalti buzëve nxora
T’ia ëmbëlsoj vargun poezisë
Fluturimin treta hapësirës
Në frenim të erës dhe stuhisë
Shkëlqimin iu rrëmbeva yjeve
Varg të fala shkëndija drite
Brenda shpirtit gërmova në heshtje
Shpalosa copëza lumturie
Reve ua ktheva buzëqeshjen
Varg të fala drithërime
Malli më rëndoj më shumë se shkëmbi
Valëve të fjetura qetësinë ua vodha
Mërzinë e shtrydha deri në lot gëzimi
Dallgëve të jetës varg të lodha