Çaste poetike me poeten;Vjollca ALIU

Erëza e shpirtit tim

(Dedikuar mbesës sime, Erëza Reka)

———————————————

Kur linde ti, mbesa e shpirtit tim

Me mua festuan edhe yjet në qiell

Linde në tetor, në stinën e vjeshtës

Por sytë e tu rrezonin si diell.

E qetë, pa zhurmë u rrite

Si foshnje qaje butë, si melodi e bukur

Të përkëdhelnim lehtë e të ruanim

Si një flutur mbi lulen e pakëputur.

Dita jote e parë në kopshtin e fëmijëve

Për ne në festë u shndërrua

Ndër engjëjt e kopshtit shndrisje

Me faqet si mollë e aromën si ftua.

Çdo hap të rritës sate

E kam shijuar me shumë dashuri

Edhe kur tashmë je e rritur

Të ledhatoj si kur ishe e vockël, fëmijë.

Me gjithë hapërimet jo të lehta në jetë

U bëre e fortë në çdo stuhi

Pamja jote e brishtë, e shpirti yt i fortë

Të bëjnë yll në synimet që ke ti.

Buzëqeshja jote, dashuria që ti ma jep

Më gjallëron e jetën ma shton

Të kam ty, botë e jetë

Ndaj asgjë s’më mungon.

/www.QendraPress.com/