Çaste poetike me poetin:-Abdullah BLAKÇORI

UDHA E PLISIT

———————-

Mbi ato supe të forta

Tash po e bart vetveten

E kjo barrë që s’tu hoq kurrë

Po ta ngulfat ty jetën

Më kot po e kërkon rehatinë

Froni bosh të ka mbetur

Se një lëngatë shumë e vjetër

Trupin e fortë ta ka tretur

Vallë në majën tende

Ngricat dhe sa do te rrinë

Apo do të duhet dhe shumë kohë

I vetëm ta përballosh stuhinë

Qëndresa ka ngjyrën tënde

Mos lejo Yjet për ta tretur

Se shtegun e bardhë kah dielli

Ti me flijim e ke gjetur…!

/QendraPress/