Çaste poetike me poetin; Arbër Dritoni

Influenca e poezisë

——————————

Qysh në fillesë,

poezia yte, Asja,

më bëhet mike

dhe më bëhet udhërrëfyes.

Në një pikë,

në takim të përhershëm,

më zgjon ndjenjat më sublime.

Poezia yte, katarzë për shpirtin,

më zgjon muzën eseistike

dhe më rrëmben shpirtin.

Ato nxisin te unë vullkan emocionesh,

erupcion përjetimesh fantastike.

Vargjet tuaja rezatojnë shkëndija drite

dhe ndezin yjet në qiell.

Përfytyrime fantazmagorike

plot halucinacione

krijojnë te unë poezitë tua.

Ah, ndriçoftë pena yte

ndër mote e breza,

e na dhuroftë perla

margaritarë të rrallë letrarë!

/www.QendraPress.com/