Çaste poetike me poetin;-Asllan MIFTARI
KUJTIME…
———————-
Me mall i kujtoj
Ato vite rinore
Kur parqeve me lulishte
Kapeshim dorë për dore !
Kur njëri – tjetrin
Shikonim sy më sy
Kur dashuria e sinqertë
Kishte emrin fisnikëri !
Ishte dashuri
Me shikim të parë
Rritej për çdo ditë
Si lulja në behar !
Kur qeshnim ne të dy
Qeshte përreth natyra
Kur flisnim me njëri – tjetrin
Thonin…- ç’ janë këto zë bilbila !
Ritmin shtonte zemra
Pulsi në stratosferë
Trupi ndizte ndjenjat
Si dielli që përvëlon në verë !
Zili na kishin
Dhe çiftet më të bukura
Ecnim lehtë – lehtë
Si krahëshkruarat flutura !
Eh’…- ç’ mall ndjej për ato vite
Kur në zemër mbinte dashuria
Nga shpirti buronte ndjenja
Sinqeriteti e dlirësia !
Ishin vite besnikërie
Besa kishte besën
Lidhur nyje me njëri – tjetrin
Jo si hija që s’ shkrin vesën !
Me mall kujtoj ato vite
Nganjëherë me lot në sy
Ishin vite të arta
Dashuria kishte emrin FISNIKËRI !
Copyright@Asllan Miftari
/QendraPress.com/