Çaste poetike me poetin;-Destan UKAJ

J E T A

———————–

Shtatë kore buke të rreshkura

E ngjyrë në lëngun e jetës

Zen vend në një shtrat fjetje

Jeta është një gotë ujë etje

Me pak buzëqeshje

Gurrë lotësh të përpjekur

Krijon lumej e dallgë dete

Dhimbje edhe e të tjerëve

Jeta ka edhe dhuratë

Fëmijërinë me ëndrra e përralla

Rininë , çaste pasione e ëndrralla

Në fund na i merr të dyja

Mbetën ëndrrime në pleqëri të kursyera

Harxhohen edhe lapsi e ngjyra

Në xham i shkruaj vitet me gishta.

/QendraPress/