Çaste poetike me poetin;- Engjëll I. BERISHA

INTIMJA NË RRUGËN E VETMISË

———————————————-

U zhvesh intimja në heshtje blu të dritës

vetvetja merr udhë vetminë

trupi e shpirti lidhen me valë digjitalë

mund ti gjesh diku në planetin mars

sapo e hapëm teknologjinë

kjo portë e mençur s’pyet për shpirt

s’pyet as për leje

dashuria shkëlqen me ftohtësi metali

romanca u përpi një natë kur hana vonojë të dalë

dikush e ngatërroi Venusin të ndizet si herëve tjera

intimen e lanë zbuluar me drita të kallura

u zhvesh në errësirë në skenën e dritës

vetvetja nuk po mbulohet as me lëkurën e vetë

nuk po e di gjuhën të kthehet në sy

ta shohë njeriun përtej ekranit

t’ia gjej kësaj skene fytyrën!!!

Fjala?

Prodhohet falas në laboratorin inteligjent

me klonimin e viruseve të panjohur

nuk i duhet më as fryma e ditës

e gjen në buzët e një kujtese

dashuri e jetuar në syrin e dikujt

as intimja, as vetvetja nuk jetojnë më këtu

e morën frymën e fundit të njerëzores

në valixhe pa emër në stacionin e një ndjenje

pa u shënuar në radarin e navigimit.

/QendraPress/