Çaste poetike me poetin;-Fazli FERATI
TI U BURRËROVE
————————–
Atëherë kur jeta
përfshihej nga dallgët e furishme
ti u burrërove
Atëherë kur varfëria trokiste
në secilën derë
e jetërat këputeshin në mes
si degët e lisave të moçëm
ti u burrërove
Atëherë kur kohës iu dashkan
më shumë se kurrë
njerëz të tillë si ju
ti u burrërove
Atëherë kur vendin e pllakosi heshtja
ngrite zërin
kundër prangave të roberisë
ti u burrërove
Atëherë për ty e me ty
çdo pikë gjaku
me aromën e atdheut
brez pas brezi lidhet me emrin liri
ti u burrërove
/QendraPress/
