Çaste poetike me poetin;- Gazmend BEQAJ

PEMË E VJETËR PEMË E RE

———————————-

I tillë ishte profesori im

degë e këputur plot mallëngjim

që lëshoj rrënjë n’qytetin tim

Pemë e vjetër pemë e re

që në çdo stinë të jetës

shpërhapte aromë pranvere

I tillë ishte profesori im

i qetë i urtë i dashur

gjithmonë i buzëqeshur

me një pasion të çiltër poeti

për çdo fëmijë

që ndjek gjurmët e pafajësisë së tij

I tillë ishte profesori im

një vlerë e shtuar e qytetit tim

i dashuruar në vargjet e tij

plot urti e fjalë amaneti

që përshkruajnë me aq ndijesi

shpirtin e çdo poeti

/QendraPress/